"Real Madrid"in hücumçusu Vinisius Junior Səudiyyə Ərəbistanı klublarının transfer hədəfi olaraq qalır
90deqiqe.Az "Relevo"ya istinadən xəbər verir ki, Səudiyyə klubları 24 yaşlı braziliyalı üçün bir milyard avro ödəməyə hazırdır.
Vinisiusun mümkün transferi strateji addımdır. Səudiyyə Ərəbistanında ulduz braziliyalının imzalanmasının digər məşhur futbolçuların yerli çempionatlara keçməsi üçün dirijor olacağına inanırlar.
Junior 2018-ci ilin yayından "kral" klubunda oynayır və onun "Los Blancos" ilə müqaviləsi 2027-ci ilin ortalarına qədərdir. Transfermarkt hücumçunun dəyərini 200 milyon avro qiymətləndirir.
