Çikaqo, 24 fevral, AZƏRTAC
Azərbaycanın Rusiya və İran arasında strateji mövqedə yerləşməsini nəzərə alsaq, düşünürəm ki, regionun bu hissəsində daha fəal rol oynamaq ABŞ üçün müdrik addım olar.
Bu sözləri AZƏRTAC-a açıqlamasında ABŞ-ın Milli Müdafiə Universitetinin dosenti Stefan Bruks deyib.
“ABŞ-ın yeni administrasiyası hələ yeni qurulur və hələ ki, hazırda daha vacib hesab etdiyi digər məsələlərə diqqət yetirir. Amma bu o demək deyil ki, bu məsələ vacib deyil. Əgər Birləşmiş Ştatlar, məsələn, Azərbaycan və Ermənistan arasında münasibətlərin möhkəmləndirilməsində konstruktiv rol oynaya bilərsə, hesab edirəm ki, bu, əsrlər boyu kifayət qədər qeyri-sabitliyi ilə tanınan Qafqazda daha böyük sabitliyin yaradılması istiqamətində mühüm əhəmiyyət kəsb edəcək”, - deyə ekspert əlavə edib.
Məlahət Nəcəfova
AZƏRTAC-ın xüsusi müxbiri
Çikaqo
