Hava şəraitinə görə bu günə təxirə salınmış Azərbaycan Premyer Liqasının 24-cü turunun “Zirə” - “Kəpəz” matçının başlama saatı dəyişdirilib.
Publika.az xəbər verir ki, bu barədə Peşəkar Futbol Liqasının rəsmi saytı məlumat yayıb.
Zirə İdman Kompleksinin stadionunun ot örtüyünün qardan tam təmizlənməsi məqsədilə qarşılaşmanın saat 18:00-da start götürməsi qərara alınıb.
Qeyd edək ki, görüş saat 16:00-da başlamalı idi. Ötən gün gerçəkləşməli olan matç hava şəraitinə görə təxirə salınmışdı.
