Fevralın 26-da Xocalı soyqırımının 33-cü ildönümü ilə bağlı “Regional İnkişaf” İctimai Birliyinin əməkdaş və könüllüləri Xocalı şəhidlərinin xatirəsinə ucaldılmış abidəni ziyarət ediblər.
QHT.az xəbər verir ki, faciə qurbanlarının əziz xatirəsi dərin hüzn və ehtiramla anılıb. Anım tədbiri çərçivəsində iştirakçılar Xocalı soyqırımının acı nəticələrini bir daha xatırladaraq, bu tarixi faciənin unudulmaması və gələcək nəsillərə çatdırılmasının vacibliyini vurğulayıblar.
