Netflix-in maraqla gözlənilən yeni filmi “Revelations” üçün yayımlanan treyler tamaşaçıları nəfəssiz bir psixoloji gərginliklə qarşı-qarşıya qoyur. Film artıq treylerdəki ab-havası ilə ən çox gözlənilən istehsallardan birinə çevrilib.
Hafta.az-ın “Games Radar”a istinadən yazdığına görə, hekayə "bir keşiş və öz inancları ilə hərəkət edən bir detektivdən" bəhs edir. Keşiş itkin düşmüş şəxsin arxasındakı cinayətkarı cəzalandırmağın onun ilahi vəzifəsi olduğuna inansa da, işi araşdıran detektiv daim ölmüş bacısının görüntüləri ilə üzləşməyə məcbur olur.
Yeni treylerdə itkin düşən qızın işinə getdikcə aludə olan Cənubi Koreya ulduzu Ryu Jun-yeolun canlandırdığı, “The 8 Show” ilə diqqətləri üzərinə çəkən Priest Sung Min-çan-ı görürük. Çox keçmədən hadisələr getdikcə mürəkkəbləşir.
Rejissor kürsüsündə “Zombie Express” (“Train to Busan”) və məşhur Netflix serialı “Hellbound and Parasyte: The Grey”i çəkən Yeon Sanq-ho oturur.
“Revelations”, Yeon Sang-ho ilə “Hellbound” filminin ssenarisini yazan və veb-komikslərdə rejissorla əməkdaşlıq edən Çoy Gyu-seoku yenidən birləşdirir.
Bildirilir ki, “Children of Men” və Oskar mükafatlı “Gravity” filmlərinin direktoru Alfonso Kuaron da layihədə icraçı prodüser kimi iştirak edir.
“Revelations”, Cənubi Koreyalı rejissorun əvvəlki istehsallarından fərqli olaraq daha real çalarlara malikdir.
46 yaşlı rejissor Yeon Sanq-ho Netflix-in rəsmi bloqu “Tudum”a verdiyi müsahibədə "İndiyə qədər üzərində işlədiyim canlı döyüş filmlərində ümumiyyətlə fantastik mövzular var idi. Ancaq bu dəfə fantastik elementlərdən mümkün qədər qaçdım. Mən real həyatda rastlaşa biləcəyim psixoloji elementlərlə məşğul olmaq istədim” deyib.
