ABŞ prezidenti Donald Tramp region ölkələrinin liderləri ilə görüşlərdə Qəzza zolağının gələcəyini müzakirə edəcək.
Parol.az xəbər verir ki, İsrail prezidenti İsaak Hersoq “Fox News”a müsahibəsində buna əmin olduğunu bildirib.
"Prezident Tramp əsas ərəb liderləri ilə görüşməlidir. Birincisi, İordaniya kralı və Misir prezidenti. Məncə, Səudiyyə Ərəbistanının vəliəhd şahzadəsi. Bunlar dinləməli olduğumuz, müzakirələr aparmalı olduğumuz tərəfdaşlardır. Onların istəklərini nəzərə almalı və gələcəkdə davamlı olacaq planı necə inkişaf etdirə biləcəyimizi başa düşməliyik", - o bildirib.
