Bakının iki rayonunda oğurluq hadisəsi olub.
"Ölkə.az" xəbər verir ki, Nizami rayonu ərazisində yerləşən evlərin birindən 3000 manat dəyərində qızıl-zinət əşyasının oğurlanması barədə polisə məlumat daxil olub.
Nizami rayon Polis İdarəsinin 25-ci Polis Şöbəsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən, əvvəllər də oğurluq və narkotiklərlə əlaqəli cinayətlərə görə məhkum olunmuş 58 yaşlı E.Məmmədov müəyyən edilərək saxlanılıb.
Fevralın 28-də isə Sabunçu rayonu Maştağa qəsəbəsi ərazisində yerləşən marketlərin birindən müxtəlif məhsullar oğurlamaqda şübhəli bilinən, əvvəllər məhkum olunmuş 48 yaşlı E.Süleymanov polis əməkdaşları tərəfindən saxlanılıb.
Araşdırma aparılır.
