Rusiyada miqrantların ailələrini gətirməsinə qadağa qoyulması ilə bağlı aparılan müzakirə Qazaxıstan cəmiyyətində narahatlıq yaradır.
Axar.az xəbər verir ki, bunu Qazaxıstanın Rusiyadakı səfiri Dauren Abayev deyib.
“Rusiyada əmək miqrantlarının ailələrini gətirməsinə qadağa qoyulması ilə bağlı müzakirə olunan qanunvericilik dəyişiklikləri təbii ki, cəmiyyətimizdə narahatlıq doğurur. Axı, söhbət yerli müəssisələrdə çalışaraq təkcə Qazaxıstanın deyil, həm də Rusiyanın iqtisadi inkişafına töhfə verən insanların taleyindən gedir”, - Abayev bildirib.
