1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
ABŞ-nin milli kəşfiyyat direktoru Tulsi Qabbard Prezident Volodimir Zelenskinin həmkarı Donald Trampla görüşdəki davranışını şərh edərkən, Ukrayna liderinin hərəkətlərinin iki ölkə arasındakı münasibətlərdə böyük bir uçuruma səbəb olduğunu bildirib.
Oxu.Az-ın məlumatına görə, onun sözlərini "Fox News" telekanalı yayıb.
"Zelenski ilə Prezident Tramp arasında birbaşa və müxtəlif nümayəndələr vasitəsilə aparılan çoxlu danışıqlar olub. Onun səfərindən əvvəlki dövrdə gedən bu müzakirələrdən sonra Zelenskinin davranışı böyük bir sürpriz oldu", - deyə Qabbard bildirib.
Onun sözlərinə görə, Ukrayna prezidentinin mövqeyi Kiyev və Vaşinqton arasında ciddi fikir ayrılığına səbəb olub.
O, Rusiya-Ukrayna münaqişəsinin həlli məsələsində iki liderin mövqeləri arasında böyük fərqin olduğunu vurğulayıb.
