ABŞ Prezidenti Donald Tramp bu gün dövlət katibi Marko Rubio və müdafiə naziri Pit Heqset də daxil olmaqla, milli təhlükəsizlik üzrə yüksək səviyyəli köməkçiləri ilə görüşəcək.
“The New York Times” qəzetinin yazdığına görə, Tramp administrasiyasının rəsmisi bildirib ki, görüşdə Ukrayna ilə bağlı bir sıra siyasət variantları nəzərdən keçiriləcək və bəlkə də bu barədə hansısa addım atılacaq.
“Bunlara Amerikanın Ukraynaya hərbi yardımının dayandırılması və ya ləğv edilməsi, o cümlədən Co Baydenin prezidentliyi dövründə təsdiq edilmiş və ödənilmiş ən son döyüş sursatı və texnikası daxildir”, - nəşr yazır.
“NYT” xatırladır ki, Zelenski bazar günü Londonda keçirilən görüşdə Böyük Britaniyanın baş naziri Key Starmer, Fransa Prezidenti Emmanuel Makron, Almaniya kansleri Olaf Şolz, İtaliyanın Baş naziri Giorgia Meloni və Kanadanın Baş naziri Castin Trüdo da daxil olmaqla 18 liderdən dəstək mesajı alıb. Nəşrə görə, bu həmrəylik nümayişinin arxasında ABŞ-dən dəstəyin davam etdirilib-etdirilməyəcəyi ilə bağlı qərarın da kritik səviyyədə önəmi var.
“AzPolitika.info”
