İsrailin döyüş təyyarələri Suriyanın qərbindəki Tartus dəniz limanı yaxınlığında yerləşən obyektlərə raket zərbələri endirib, Əl Hadath televiziyası xəbər verir.
Məlumata görə, Livan istiqamətindən Suriya hava məkanında ortaya çıxan İsrail döyüş təyyarələri bölgədə alçaq hündürlükdə uçuşlarını davam etdirir.
Bu arada İsrail Müdafiə Qüvvələri (IDF) Suriyanın şimal-qərbindəki Latakiya əyalətindəki Əl Qardahah bölgəsindəki sursat anbarına hücum etdiyini bildirib.
"Qısa bir müddət əvvəl İsrail ordusu Suriyanın əvvəlki rejiminə məxsus silahların saxlandığı hərbi obyektə zərbələr endirib", - İsrail Müdafiə Nazirliyinin mətbuat xidmətinin bəyanatında deyilir.
