Bu gün futbol üzrə İtaliya çempionatında (A Seriyası) 2024/2025-ci illər mövsümünün 27-ci turunun oyunlarına yekun vurulub.
Arena.az xəbər verir ki, sonuncu oyun günündə bir qarşılaşma baş tutub.
Turun qapanış matçında “Yuventus” doğma meydanda “Verona”nı sınağa çəkib. Turin təmsilçisi bu oyundan inamlı qələbə ilə ayrılıb.
Beləliklə, cari mövsümün geridə qalmış 27 turundan sonra 58 xala malik “İnter” vahid liderdir. “Napoli” 57 xalla ikinci, “Atalanta” 55 xalla üçüncü, “Yuventus” 52 xalla dördüncü, “Latsio” 50 xalla beşinci, “Bolonya” 47 xalla altıncı pillədə qərarlaşıb. “Fiorentina”nın 45, “Roma”nın 43, “Milan”ın 41, “Udineze”nin 39, “Torino”nun 34, “Cenoa”nın 31, “Komo”nun 28, “Verona”nın 26, “Kalyari” və “Leççe”nin 25, “Parma”nın 23 xalı var. Son üç pillədə qərarlaşmış komandalardan “Empoli” 22, “Venesiya” 18, “Montsa” isə 14 xal toplayıb.
İtaliya, A Seriyası
27-ci tur
28 fevral
Fiorentina – Leççe 1:0
Qol: Qosens, 9.
1 mart
Atalanta – Venesiya 0:0
Napoli – İnter 1:1
Qollar: Billinq, 87 – Dimarko, 22.
Udineze – Parma 1:0
Qol: Toven, 38-pen.
2 mart
Montsa – Torino 0:2
Qollar: Elmas, 41. Kasadey, 66.
Bolonya – Kalyari 2:1
Qollar: Orsolini, 48-pen; 56 – Pikkoli, 22.
Cenoa – Empoli 1:1
Qollar: Vaskes, 81 – Qrassi, 36.
Roma – Komo 2:1
Qollar: Salemakers, 61. Dovbik, 76 – Da Kunya, 44.
Milan – Latsio 1:2
Qollar: Çukvueze, 85 – Zakkayni, 28. Pedro, 90+8-pen.
3 mart
Yuventus – Verona 2:0
Qollar: K.Türam, 73. Kopmeyners, 90.
