Naqoyadan olan AIM şirkəti EVM adlı iki nəfərlik subkompakt elektrokarını təqdim edib. Uzunluğu 2,5 m, eni 1,3 m, dönmə radiusu isə 3,5 m-dir.
QHT.az xəbər verir ki, AIM EVM L7e sertifikatına malik kvadrisikl sayılır və adi minik avtomobillərinə nisbətən daha sadələşdirilmiş tələblərə cavab verir. 15 kVt (20 at gücündən) artıq gücə malik olmamalıdır. Dizaynı qeyri-adi və cəlbedici olub, turistləri cəlb etmək üçün dairəvi kənarlar və "qabarmış" faralarla hazırlanıb. Damın mərkəzi hissəsi çıxarıla bilər, bu da avtomobili tarqaya çevirir.
9,98 kVt/saat tutumlu litium-dəmir fosfat akkumulyatoru ilə tam dolu batareya 120 km məsafə qət etməyə imkan verir. Doldurulma müddəti – 5 saat. Yaponiyada illik 1000 ədəd istehsalı planlaşdırılan AIM EVM əsasən Okinava adasında istifadə üçün nəzərdə tutulub. Qiyməti – 1,9 milyon yen (təxminən 13 min dollar).
