"Milan" klubu yarımmüdafiəçisi Teyani Reynders ilə müqavilə müddətini uzadıb.
Fanat.Az xəbər verir ki, məlumatı İtaliya klubunun rəsmi saytı yayıb.
Xəbərə görə, 26 yaşlı futbolçu ilə yeni sözləşmə 5 illikdir. Reyndersin "rossonerlər" ilə əvvəlki müqaviləsi 2028-ci ilin yayında başa çatır.
Reynders 2023-cü ilin iyulunda "Milan"a keçib. Ötən mövsüm o, komanda ilə İtaliya Superkubokunu qazanıb. Niderlandlı futbolçu 40 oyun, 12 qol və 3 məhsuldar ötürmə ilə yadda qalıb.
27 oyunun nəticəsinə əsasən "Milan" 41 xalla A Seriyasının turnir cədvəlində 9-cu yerdədir.
