Kəngərlidə yol-nəqliyyat hadisəsi baş verib.
1news.az APA-ya istinadən xəbər verir ki, hadisə rayonun Xok kəndində qeydə alınıb. 74-BC-182 dövlət nömrə nişanlı "Mercedes" markalı avtobus yol kənarında dayanan 74-BB-827 dövlət nömrə nişanlı "Mercedes" markalı avtomobilə çırpılıb. Qəzada zamanı xəsarət alan Şakir Əhmədov xəstəxanaya yerləşdirilib.
Hadisə yerinə polis əməkdaşları cəlb edilib.
Faktla bağlı araşdırma aparılır.
