Doqquz ay fəzada qalmış NASA-nın iki astronavtının nəhayət Yerə qayıtmasına bir neçə həftə qalıb.
Butç Vilmor və Suni Vilyams Beynəlxalq Fəza Stansiyasında əvəzləyiciləri gələn həftə gələnə qədər stansiyada gözləməlidirlər.
Onlar sentyabr ayında fəzaya qalxan SpaceX gəmisində iki astronavta qoşularaq geri qayıdacaqlar.
Çərşənbə axşamı fəza stansiyasından danışan Vilyams, gözlənilməz şəkildə uzun müddət fəzada qalmağın ən çətin tərəfinin ailələrinin onları evdə gözləməsi olduğunu bildirib.
“Onlar üçün bizim üçün olduğundan emosional olaraq daha çox çətin olub,” - o bildirib.
Vilmor və Vilyams keçən ilin iyununda Boeing-in yeni Starliner kapsulu ilə uçuşa çıxanda uçuşun cəmi bir həftə və ya daha az müddət çəkəcəyini gözləyirdilər. Bu, Starliner-in illərlə gecikmələrdən sonra ilk ekipajlı uçuşu idi.
Starliner fəza stansiyasıya çatana qədər çoxlu problem yaşadığından NASA onu insan daşımaq üçün çox təhlükəli hesab etdi və kapsul Yerə boş vəziyyətdə geri döndü.
Onların geri qayıtması isə əvəzləyicilərini gətirməli olan tam yeni SpaceX kapsulunun tamamlanması üçün əlavə vaxt lazım olduğuna görə bir qədər də gecikdi.
Keçən ay NASA elan etdi ki, növbəti ekipaj yeni kapsul əvəzinə artıq istifadə olunmuş kapsulla göndəriləcək və nəticədə uçuş tarixi 12 martadək irəli çəkildi. İki ekipaj fəza stansiyasında təxminən bir həftə birlikdə qalacaq, sonra isə Vilmor və Vilyams NASA-dan Nik Heyq və Rusiya Fəza Agentliyindən Aleksandr Qorbunov ilə birlikdə ayrılacaqlar.
Dəniz donanmasının istefada olan kapitanları və təcrübəli astronavtlar olan Vilmor və Vilyams aylar boyunca sağlam olduqlarını və missiyaya ehtiyac olduğu müddət ərzində öhdəliklərini ifadə ediblər. Yanvar ayında onlar birlikdə açıq fəzada gəzinti ediblər.
visiontv.az
