Amerika investisiya şirkəti Bain Capital Yaponiyanın Seven & I Holdings-in supermarket seqmenti olan York Holdings-i 700 milyard yendən (4,7 milyard dollar) çox qiymətə almağa yaxındır, Bloomberg məlumatlı mənbələrə istinadən yazır.
Finss.az xəbər verir ki, tərəflər müqavilənin detallarını müzakirə edirlər. Bu həftənin əvvəlində elan edilə bilər.
Pərakəndə satış şirkətinin idarə heyətinin cümə axşamı günü sövdələşməyə səs verməsi planlaşdırılır.
York Holdings həmçinin Seven & I-in market biznesindən ayrılmış restoranlar və digər aktivləri əhatə edir.
