Bu gün sizin qarşınızda çıxış etməyim bir möcüzədir, çünki həyat mənə ikinci bir şans verdi.
Teleqraf xəbər verir ki, bu sözləri AZAL-ın Aktauda qəzaya uğramış “Embraer 190” tipli sərnişin təyyarəsinin sağ qalan stüardessası Aydan Rəhimli bu gün Heydər Əliyev Sarayında keçirilən 8 Mart – Beynəlxalq Qadınlar Gününə həsr edilmiş tədbirdə deyib.
O çıxışı zamanı, həmkarı Hökumə Əliyevanın etdiklərinin hamımız üçün qəhrəmanlıq nümunəsi olduğunu söyləyib.
“Soruşsanız ki, ölümlə üz-üzə qaldığım zaman nəyi anladım, cavabım belə olacaq: güclü olduğumu hiss etdim”, – A.Rəhimli bildirib.
