BAKI, TurkicWorld
Kanada ABŞ-ın ölkədən idxal edilən mallara 25% tarif tətbiq etməsi ilə bağlı Ümumdünya Ticarət Təşkilatına (ÜTT) rəsmi şikayət ünvanlayıb.
TurkicWorld AzerVoice-a istinadən xəbər verir ki, ÜTT Kanada hökumətinin ABŞ-ın yeni tarif tədbirləri ilə bağlı mübahisəli məsləhətləşmə tələb etdiyini açıqlayıb.
Kanada bildirir ki, bu tariflər 1994-cü il Tariflər və Ticarət üzrə Baş Sazişin və ÜTT-nin Ticarətin Asanlaşdırılması Sazişinin müddəalarına uyğun deyil.
Qeyd edək ki, ABŞ Prezidenti Donald Tramp fevralın 1-də Kanada və Meksikadan idxal edilən mallara 25%, Çindən idxala isə 10% gömrük rüsumu tətbiq edilməsi haqqında sərəncam imzalayıb.
Fevralın 3-də Tramp Kanada və Meksikanın sərhəd təhlükəsizliyini gücləndirmək tədbirlərinə cavab olaraq tarifləri bir ay müddətinə dayandırsa da, müddət bitdikdən sonra rüsumlar qüvvəyə minib.
Kanadanın Baş naziri Castin Trüdo ABŞ-ın bu addımını ticarət müharibəsi kimi qiymətləndirib və Kanadanın 155 milyard dollar dəyərində ABŞ mallarına eyni nisbətdə 25% tarif tətbiq edəcəyini açıqlayıb.
