Ağ Evin mətbuat katibi Karolayn Levit çərşənbə günü bildirib ki, ABŞ rəsmiləri ABŞ-ın terror qruplaşması olaraq təyin etdiyi HƏMAS-ın nümayəndələri ilə "davam edən danışıqlar və müzakirələr" aparıblar.
Qətərin paytaxtı Dohada danışıqların təsdiqlənməsi İsrail-HƏMAS atəşkəs danışıqlarında qeyri-müəyyənlik olduğu bir vaxta təsadüf edir. Levit danışıqların mahiyyəti ilə bağlı təfərrüatları açıqlamaqdan imtina edib.
Levit bildirib ki, İsrail HƏMAS rəsmiləri ilə birbaşa əlaqəyə dair məsləhətləşib, lakin qeyd edib ki, "Amerikalıların həyatı bundan asılıdırdır".
İsrail rəsmiləri bildiriblər ki, Qəzzada 24-ə yaxın girov, o cümlədən Amerika vətəndaşı Edan Aleksandr, həmçinin ən azı 35 nəfərin cəsədi hələ də saxlanılır.
İsrail-HƏMAS arasında atəşkəsin davam etdirilib-etdirilməməsi qeyri-müəyyən olaraq qalır. Prezident Donald Tramp HƏMAS-ın israillilərin ABŞ-ın nümayəndəsi Stiv Vitkoff tərəfindən hazırlandığını iddia etdiyi yeni atəşkəs təklifinin şərtləri ilə razılaşmadığı təqdirdə, İsrailin baş naziri Benyamin Netanyahunu döyüşə qayıtmaqdan uzaqlaşdırmaq niyyətində olmadığını bildirib.
Trampın girovlarla iş üzrə xüsusi elçi vəzifəsinə namizədi Adam Boler HƏMAS-la birbaşa danışıqlarda iştirak edib.
Yeni plan HƏMAS-dan atəşkəsin uzadılması və davamlı atəşkəs üçün danışıqların aparılması vədi müqabilində qalan girovlarının yarısını azad etməyi tələb edəcək. İsrail daha çox fələstinli məhbusun azad edilməsindən bəhs etməyib. Bu isə birinci mərhələnin əsas komponenti idi.
ABŞ və HƏMAS nümayəndələri arasında danışıqlar barədə ilk dəfə çərşənbə günü Axios xəbər saytı məlumat yayıb.
visiontv.az
