Kanadadakı qəhvəxanalar ABŞ prezidenti Donald Trampın siyasətinə cavab olaraq məşhur “Americano” qəhvə çeşidinin adını “Canadiano” olaraq dəyişib.
News24.az xəbər verir ki, Torontoda “Cafe Belem”in rəhbərliyi ilə başlayan bu hərəkat Trampın Kanadaya tətbiq etdiyi gömrük rüsumlarına və ölkəyə “ABŞ-ın 51-ci ştatı” kimi baxmasına reaksiya hesab olunur.
"Cafe Belem"in sahibi Vilyam Oliveyra dükanının siyasi olmayan bir yer olmasını istəsə də, Kanadaya dəstək göstərməyin vacib olduğunu söyləyib.
ABŞ-ın Kanadadan idxal olunan məhsullara 25 faiz əlavə vergi tətbiq etməsi, sonra isə bu qərarı bərpa etməzdən əvvəl bir müddət dayandırması ölkədə böyük əks-səda doğurub. Kanadanın baş naziri Castin Trüdo öz vətəndaşlarını yerli istehsalı dəstəkləməyə çağırıb.
Kanadada ABŞ-a qarşı reaksiya getdikcə artır. Xokkey oyunlarında Amerikanın milli himni səslənərkən hədiyyə mağazalarında “Kanadada satılmır” yazılmış geyimlər satılır. Bundan əlavə, sahibkarlar Kanadada istehsal olunan məhsulları müəyyən edən mobil proqramlar hazırlayıblar.
Digər tərəfdən, "British Columbia"da yerləşən "Kicking Horse Coffee" sosial mediada bir paylaşımda Kanada qəhvəxanalarını "Americano"nun adını "Canadiano" olaraq dəyişdirməyə çağırıb. Şirkət daha sonra yazını silsə də, bu addım bir çox müəssisə tərəfindən qəbul edilib.
"Cafe Belem kimi bəzi müəssisələr bu dəyişikliyi öz menyularında qalıcı etməyi planlaşdırırlar. Kafe sahibi Oliveyra müştərilərinin yeni adın əyləncəli olduğunu və bunun Kanadaya dəstəklərini göstərmək üçün bir üsul olduğunu söyləyib.
Aynurə
