Bakı, 6 mart, AZƏRTAC
FIFA qadın futbolçulardan ibarət milli komandaların reytinq cədvəlini yeniləyib.
AZƏRTAC ali futbol qurumunun rəsmi saytına istinadən xəbər verir ki, Azərbaycan yığmasının da dünya reytinqindəki mövqeyi bəlli olub.
Ötən siyahı ilə müqayisədə sıralamadakı yeri dəyişməyən Azərbaycan millisi (1308.45 xal) 75-ci pillədə qərarlaşıb.
Qeyd edək ki, reytinq cədvəlinə ABŞ seçməsi (2069) başçılıq edir.
