Millətlərin və xalqların öz dövlətini yaratmasında , inkişaf etdirməsində siyasi xadimlərin rolu danılmazdır.
Bizim eramızdan əvvəl və bizim eranın müxtəlif dövrlərində xalqın içindən çıxan liderlər siyasi qabiliyyəti ilə öz xalqını önə çıxarmağı bacarmışlar.
Yaşadığımız dövrə yaxın tarixidə də belə liderlər öz fəaliyyətləri ilə siyasət meydanında iz qoymuş ; yalnız öz ölkələrinin deyil, bəzən bütün dünyanın taleyini dəişməyə müvəffəq olmuşlar.
Onların həyata keçirdiyi islahatlar və qəbul etdiyi qərarlar dövlət quruculuğunda və beynəlxalq münasibətlərdə mühüm rol oynamışdır.
Yaxın tariximizdə yaşamış və siyasi meydanda iz qoymuş insanlardan :
-- Mustafa Kamal Atatürk (1881- 1938 ) Türk Qurtuluş Savaşının Baş Komandanı və
Müasir Türkiyə Respublikasının qurucusu olmuşdur.
Türkiyədə siyasi islahatlar aparmış , öz dörünə uyğun olaraq ölkənin sənayeləşməsinin təməlini qoymuşdur.
-- Vladimir İliç Lenin (1870–1924) sosializm ideologiyasından istifadə edərək 1917-ci ildə Bolşevik inqilabına rəhbərlik etmiş, Çar Rusiyasını devirib SSRİ-ni qurmuşdur
Leninin kommunist ideyaları və sinfi mübarizə çağrışları dünyanın müxtəlif ölkələrində inqilabi hərəkatlara təsir etmişdir.
-- Mahatma Qandi (1869–1948) Hindistanın müstəqillik hərəkatının lideri olmuşdur.
Qandi, cəmiyyətə "yumşaq müqavimət" ideyası təklif etmiş və bu prinsip ilə Britaniya müstəmləkəçiliyinə qarşı mübarizə aparmışdır.
Qandi yürütdüyü vətəndaş itaətsizliyi kampaniyaları ilə 1947-ci ildə Hindistanın müstəqilliyinə nail olmuşdur.
-- Uinston Çörçill (1874–1965)
Çörçill, İkinci Dünya Müharibəsində faşist Almaniyasına qarşı mübarizəyə rəhbərlik etmiş, İngiltərəni qaliblər sırasına çıxartmışdır.
Çörçill ikinci dünya müharibəsindən sonra Avropada yeni dünya düzəninin qurulmasında böyük rol oynamış və NATO-nun yaranmasına töhfə vermişdir.
-- Məhəmməd Əmin Rəsulzadə (1884-1955) , XX əsrin əvvəllərində Rusiya imperiyasının zəifləməsindən məharətlə istifadə edərək ; Azərbaycanın müstəqil dövlətini quranların rəhbəri olmuşdur.
-- Heydər Əliyev ( 1923 -2003) Dünyanın ən nəhəng və qüdrətli dövləti olan SSRİ-nin rəhbərlərindən biri olmuşdur.
SSRİ-nin süqutundan sonra siyasi -iqtisadi burulganda məhv olmaqda olan Azərbaycanı xilas etmiş, Ölkəni sabitlik və inkişaf yoluna çıxartmışdır. Müasir Azərbaycan dövlətinin gələcək inkişafının təməlini qoymuşdur.
İndi dünyanın əsas diqqəti Rusiya-Ukrayna müharibəsinə köklənmişdir.
Bu müharibənin nəticələri dünya düzənini dəyişəcək, bir çox ölkələrin yeni siyasi xəritələrinin yaranmasına səbəb olacaq.
Ukrayna münaqişəsi ətrafında baş verən hadisələri izlədikcə dövətlərin
əsil üzü və niyyəti bəlli olur.
Məsələn, son günlər tirajlanan xəbərlərdə Fransa və İngiltərənin Ukraynaya qoşun yeridə biləcəyi barədə tez-tez müxtəlif məlumatlar yayılır.
Şüurlarda belə fikir formalaşdırılır ki, bu ölkələr [ Böyük Britaniya , Fransa ] öz qoşunları ilə Ukrayna ilə birlikdə Rusiya ilə savaşacaq.
Reallıqda isə mənzərə başqa cürdür. 2 mart 2025-ci il tarixində Avropa liderlərinin London toplantısında məlum oldu ki, Avropa ölkələri, o cümlədən Fransa və İngiltərə siyasətçiləri Rusiya ilə müharibədən qaçırlar. Süıh layihəsi hazırlayıb bu sənədi yenidən ABŞ-la müzakirə etmək istəyirlər.
Onların ( Avropa siyasi liderlərinin)
əsas məqsədi və niyyəti Sülh layihəsini ABŞ-la razılaşdırdıqdan sonra Ukrayna ilə Rusiya arasında davam edən müharibədə özlərinə sərf edən atəşkəsə nail olmaqdır. Əlbətdə, bu özlüyündə yaxşıdır. Müharibə dayandırılacaq və
yeni faciələrin qarşısı alınacaq.
Mahiyyət etibarı ilə isə
müvəqqəti barış əldə etmək üçün
hər iki tərəfin, [ Rusiya və Ukraynanın ] razılığı əsasında İngiltərənin , Fransanın və digər Avropa ölkələrinin hərbi kontingenti "sülhməramlılar"adı altında Ukraynaya yeridiləcək.
Yəni , yaxın perespektivdə onlar da
Ukraynanın sərvətlərinin bölüşdürülməsində iştirak etmək üçün beynəlxalq səviyyədə hüquqi imtiyaz əldə edəcəklər.
Məhz buna görə
bu gün Avropa ölkələri xüsusiylə, İngiltərə və Fransa ; Donald Trampla Vladimir Putinin razılaşdığı
ABŞ - Rusiya "sülh planı"na qarşı çıxdılar və özlərinin Londonda hazırladıqları "Sülh layihəsi"ni irəli sürdülər.
Yəni, avropalılar Ukraynanın ABŞ və Rusiya arasında bölünməsinə etiraz edirlər.
Ukraynanın yeraltı və yerüstü sərvətlərinin bölünməsində özləri də pay sahibi olmaq istəyirlər.
Bu da o deməkdir ki :
ABŞ və Rusiya
Avropa ilə razılaşmasa ; Ukraynada
müharibə davam edəcək.
Müşahidələr göstərir ki, ölkəni fəlakətdən xilas etmək üçün Ukraynaya daha cəsarətli və təcrübəli siyasi liderlər lazımdır.
Düşünürük ki : indiki vəziyyətdə Ukrayna siyasətçiləri Dünyada söz sahibi olan ölkələrin zəmanəti ilə etibarlı və dayanıqlı Atəşkəsə gedə bilərlər.
Fikrimizcə : indiki situasiyada ABŞ, Böyük Britaniya , Fransa , Almaniya ilə yanaşı ; Türkiyə və Çinin iştirakı Ukrayna ilə Rusiya arasında davam edən müharibədə "Atəşkəs"-in etibarlı olmasına təminat verə bilər.
Siyasətdə daimi dost və müttəfiq yoxdur. Hər bir ölkənin özəl maraqları vardır.
Qəvami S
