Ukrayna Avropada gündəmdədir...
Brüsseldə Avropanın müdafiəsi və Ukrayna ilə bağlı fövqəladə sammit keçirilir.
Avropa İttifaqı (Aİ) Şurasının sədri Antonio Kosta, Aİ Komissiyasının sədri Ursula fon der Leyen və sammitə xüsusi dəvət olunmuş Ukrayna Prezidenti Volodimir Zelenski sammitin girişində mətbuat nümayəndələrinə açıqlamalar veriblər.
Kosta bildirib ki, Avropanın təhlükəsizliyi və müdafiəsi Ukraynadan ayrı düşünülə bilməz və Aİ müharibənin ilk günündən bu yana olduğu kimi bu ölkəni Aİ üzvü olana qədər dəstəkləməyə davam edəcək.
