Ukrayna böhranında qalib yoxdur, sülhdən isə heç kim itirməyəcək.
Vətəninfo.az xəbər verir ki, bu fikri Çinin xarici işlər naziri Van İ martın 7-də Pekində keçirdiyi mətbuat konfransında Çinin Ukrayna böhranı ilə bağlı mövqeyini açıqlayarkən deyib.
“Ukrayna böhranının əvvəlindən Çin dialoq və danışıqlar yolu ilə siyasi həllə sadiqdir və sülh danışıqlarını təşviq etmək üçün hər cür səy göstərir. Çin hər zaman obyektiv və qərəzsiz mövqe tutur, həll üçün şərait yaratmaq və qarşılıqlı anlaşmanı gücləndirmək üçün soyuqqanlı və balanslı bir həll tərəfdarıdır.” -deyə Van İ bildirib.
Çin XİN rəhbəri bildirib ki, Ukrayna böhranının başlanğıcından bəri Çin dialoq və danışıqlar yolu ilə siyasi həllə sadiqdi və sülh danışıqlarını təşviq etmək üçün hər cür səy göstərir. Çin hər zaman obyektiv və qərəzsiz mövqe tutur, həll üçün şərait yaratmaq və qarşılıqlı anlaşmanı gücləndirmək üçün soyuqqanlı və balanslı bir həll tərəfdarıdır.
“Çin sülhə nail olmaq üçün bütün səyləri alqışlayır və dəstəkləyir. Eyni zamanda qeyd etmək lazımdır ki, böhranın təməl səbəbləri dərin tarixi köklərə malikdir, onu bir gündə həll etmək mümkün deyil. Münaqişədə qalib yoxdur, heç kim sülhdən itirməyəcək. Danışıqlar masasına oturmaq təkcə münaqişəyə son qoymayacaq, həm də sülhə yol açacaq. Tamamilə fərqli mövqelərə malik olsalar da, bütün cəlb olunmuş tərəflər ədalətli, davamlı, hüquqi mükəlləfiyyətli və bütün tərəflərə məqbul sülh razılığını əldə etmək üçün ümumi əhval-ruhiyyə var”,- deyən Van İ əlavə edib ki, Çin tərəflərin iradəsinə uyğun olaraq, böhranı həll etmək və davamlı sülhə nail olmaq üçün dünya birliyi ilə birlikdə konstruktiv səy göstərməyə hazırdır.
Çin rəsmisi bildirib ki, Ukrayna böhranı artıq 3 ildən çoxdur davam edir, amma indi aydın olur ki, bu faciənin qarşısını almaq mümkün olardı.
“Hər kəsin bu böhrandan dərs alması vacibdir. Çünki təhlükəsizlik qarşılıqlı və bərabər olmalıdır, bir ölkənin təhlükəsizliyi başqalarının təhlükəsizliyi hesabına təmin edilməməlidir. Yalnız ümumi, kompleks, birgə və dayanıqlı təhlükəsizlik konsepsiyasının həyata keçirilməsi Avrasiya qitəsində və bütün dünyada davamlı sülhün təmin olunmasına imkan verəcək”, – deyə Çin xarici işlər naziri bildirib.
