ABŞ kəşfiyyat orqanlarında kütləvi ixtisarlar, xüsusilə də gənc əməkdaşların ixtisarı Çin, Rusiya, İran haqqında kəşfiyyat məlumatı və terror qruplarının gələcək təhdidləri haqqında məlumat toplamağı çətinləşdirəcək.
Herbiand.az bildirir ki, bu barədə ABŞ-ın keçmiş və indiki rəsmilərinə istinadən Washington Post qəzeti yazır.
“Biz özümüzü ayağımızdan yox, başımızdan vururuq”, - yeni çağırışçılara təlim keçirən keçmiş yüksək rütbəli kəşfiyyatçı deyib. O, xüsusi xidmət orqanlarının fəaliyyətini “gələcək üçün investisiya” adlandırıb.
Donald Tramp Ağ Evə qayıtdıqdan sonra ixtisarlar FTB agentlərindən tutmuş Milli Təhlükəsizlik Agentliyinin şifrələrin sındırılması mütəxəssislərinə qədər yüzlərlə insana təsir edib. Pentaqonun bu həftə sınaq müddətində olan 5400 mülki işçini işdən çıxarmağa başlayacağı gözlənilir. Bütün bunlar, eləcə də hakimiyyətdən gələn ziddiyyətli məlumatlar kəşfiyyat orqanlarında narahatlıq yaradır. Keçmiş məmurlar deyirlər ki, onilliklər ərzində belə qarışıqlıq görməyiblər.
Bəxtiyar CƏFƏRLİ
