Amerikanın B-52 bombardmançı təyyarələri hərbi təlimlər zamanı ilk dəfə Finlandiyada sınaq meydançasına bomba atıb.
NOCOMMENT.az xəbər verir ki, bu barədə Finlandiya Hərbi Hava Qüvvələrinin (FAF) hərbi hissənin rəsmi saytındakı bəyanatında deyilir.
“Martın 6-da Amerikanın iki B-52 Stratofortress bombardmançı təyyarəsi ilk dəfə olaraq Rovajarvi təlim poliqonunda yerləşən hədəflərə JDAM idarəolunan bombalar atdı. ABŞ Hərbi Hava Qüvvələrinin F/A-18 Hornet qırıcıları bombardmançıları hədəf bölgəyə müşayiət edib”, – nəşr qeyd edir.
Finlandiya Hərbi Hava Qüvvələrinin Baş Qərargah rəisi, briqada generalı Aki Puustinen əlavə edib ki, Finlandiya və ABŞ arasında sıx ikitərəfli əməkdaşlıq “respublikanın müdafiə qabiliyyətini artırır”, Amerikanın strateji bombardmançı təyyarələri ilə əməkdaşlıq isə “ Şimali Avropa regionunda NATO-nun birgə müdafiəsini gücləndirir”.
21 iyul 2024-cü ildə ABŞ Hərbi Hava Qüvvələrinə məxsus B-52 Stratofortress bombardmançı təyyarələri Finlandiya üzərində təlim uçuşu həyata keçirib . Təlim zamanı bombardmançıları Amerikanın KC-135 və KC-46 tanker təyyarələri müşayiət edib. Müdafiə qüvvələrinin məlumatına görə, hərbi təyyarə Norveçdən gəlib və Finlandiya ərazisi üzərindən cənub istiqamətində uçub.
