ABŞ prezidenti Donald Tramp federal hökumətin kriptovalyuta aktivlərinin idarə edilməsində əhəmiyyətli dəyişikliyi qeyd edən Bitkoin Strateji Ehtiyatının yaradılması haqqında sərəncam imzalayıb.
Ölkə.az xəbər verir ki, bu barədə “Voice of America” məlumat yayıb.
Bitkoinə uzunmüddətli strateji aktiv statusu verərkən Tramp onun qıtlığına və təhlükəsizliyinə işarə edib.
“Bitkoin məhdud tədarük və etibarlılığına görə tez-tez “rəqəmsal qızıl” adlandırılır”, - fərmanda deyilir.
Bundan əlavə yeni siyasətə əsasən, cinayət və mülki aktivlərin müsadirəsi ilə bağlı işlərdə müsadirə edilən bitkoinlər ehtiyata köçürüləcək. Əvvəlki təcrübədən fərqli olaraq, bu aktivlər satılmayacaq, lakin ölkənin uzunmüddətli maliyyə strategiyasının bir hissəsi olacaq.
Həmidə İbrahimova
