Finss.az - Dünyada qəhvə ticarəti ilə məşğul olan şirkətlər və qovurucular, qəhvə dənələrinin qiymətlərinin kəskin artması səbəbindən alımlarını minimuma endirdiklərini bildiriblər.
Bu barədə Reuters agentliyi məlumat yayıb. Amerika Qəhvə İstehsalçıları Milli Assosiasiyasının illik toplantısında iştirak edən ticarətçilər, ICE birjasında arabika növü üzrə qəhvə müqavilələrinin qiymətinin 70% artması ilə şok olduqlarını qeyd ediblər.
Qiymət artımının əsas səbəbi, xüsusən də Braziliyada qəhvə istehsalının azalmasıdır. Bu da dünya bazarlarında qəhvə dənələrinin qiymətinin artmasına səbəb olub. Yanvar ayında arabika qəhvə növü üzrə qiymətlər rekord həddə çataraq, New York birjasında 1 funt üçün 3,5015 dollar olub.
Bu artım, Kolumbiya kimi böyük qəhvə ixracatçılarında istehsalın azalmaması və tədarük problemlərinin yaranacağına dair narahatlıqlarla bağlıdır.
