Seranit Azərbaycan, tikinti sektorunda fəaliyyət göstərən ustalar üçün innovativ bir təlim proqramına start verir. "Keramika Tətbiqi Təlimi və Problemlərin Həlli Texnikaları" layihəsi çərçivəsində ustaların peşəkar bilik və bacarıqlarını artırmaq məqsədilə nəzəri və praktiki təlimlər təşkil olunacaq.
Təlimin məqsədi və əhatə dairəsi
Bu layihənin əsas məqsədi keramika örtük materiallarının tətbiqi sahəsində çalışan ustaların texniki biliklərini təkmilləşdirmək və onların qarşılaşdıqları problemləri effektiv şəkildə həll etmə qabiliyyətlərini artırmaqdır. 2025-ci il ərzində ən azı 100 usta bu proqram çərçivəsində 6 fərqli təlimdə iştirak edəcək.
Təlimlər iki əsas mərhələdən ibarət olacaq:
Nəzəri Təlim: Keramika üzlük materiallarının növləri, xüsusiyyətləri, tətbiq sahələri, düzgün istifadə üsulları və köməkçi materialların (yapışdırıcılar, ara doldurucular, təmizləyici kimyəvi maddələr və s.) tətbiqi haqqında məlumat veriləcək.
Praktiki Təlim: Ustalara alətlərin düzgün istifadəsi öyrədiləcək, tətbiq zamanı rast gəlinən problemlərin həll yolları izah ediləcək və materiallardan səmərəli istifadə vərdişləri formalaşdırılacaq.
Sənayenin inkişafına töhfə
Bu təlimlər nəticəsində ustaların peşəkar bilik səviyyəsi və bacarıqları yüksələcək, xidmət keyfiyyəti artacaq və müştəri məmnuniyyəti daha yüksək səviyyəyə çatacaq. Eyni zamanda, ustaların peşə etibarı möhkəmlənəcək və daha ədalətli əmək bazarı formalaşacaq.
Təhlükəsizlik və sertifikatlaşdırma
Layihə çərçivəsində iş sağlamlığı və təhlükəsizliyi qaydalarına xüsusi diqqət yetiriləcək. Təlimi uğurla başa vuran iştirakçılara "Təlimdə İştirak Sertifikatı" təqdim olunacaq. Bununla yanaşı, bütün iştirakçılara xüsusi iş geyimləri və çantalar hədiyyə ediləcək.
Seranit Azərbaycan, keramika sahəsində fəaliyyət göstərən ustaların bilik və bacarıqlarını artırmaq üçün davamlı təlim proqramları təşkil etməyə davam edəcək. Bu təşəbbüs, ustaların inkişafına dəstək olmaqla yanaşı, ümumilikdə sektorun keyfiyyət standartlarını yüksəltməyi hədəfləyir.
