Liberal Partiyası daxilindəki fikir ayrılıqlarına görə tezliklə vəzifəsini tərk edə biləcək Kanadanın baş naziri Castin Trüdo martın 7-də mətbuat konfransı zamanı göz yaşlarına boğulub.
SİA-nın məlumatına görə, bununla bağlı video internetdə görünüb.Baş nazir ABŞ prezidenti Donald Trampın siyasətinə görə göz yaşlarına boğuldu.
Trüdo, kanadalıları hər gün birinci yerə qoyduğunu və onları dəstəklədiyini söylədi. O, bu hakimiyyətin son günlərində də ölkə vətəndaşlarına dəstək verəcəyini də bəyan edib.
Bundan sonra Kanadanın baş naziri jurnalistlərin yanında ağlamağa başlayıb.
Tramp daha əvvəl Kanadanı 51-ci ştat edəcəyinə söz vermişdi və həmçinin Kanadadan idxal edilən bütün mallara 25 faizlik rüsumlar tətbiq edib.
Kanadada keçirilən seçkilərin nəticələri martın 9-da məlum olacaq. Trüdo onun fəlakətli dərəcədə aşağı reytinqlərinin hakimiyyətdə qalmasına imkan vermədiyini anlayaraq istefa vermək niyyətini açıqlayıb.
Bundan əvvəl Trüdo ABŞ administrasiyasının Kanadaya qarşı ticarət müharibəsinə başladığını bildirmişdi.
Əli Babayev
