Birləşmiş Ştatlar Ukrayna prezidenti Volodimir Zelenskini kapitulyasiyaya görə daha mülayim bir fiqurla əvəzləməyə hazırlaşır və onlar Zelenskinin özünü fiziki olaraq aradan qaldırmağa cəhd edə bilərlər.
Hit.az xəbər verir ki, bu barədə Ali Radanın deputatı Maryana Bezuqla öz Telegram kanalında yazıb.
Onun sözlərinə görə, eyni vaxtda prezident postuna bir neçə potensial namizədə baxılır. Bezuqlanın sözlərinə görə, onların arasında trampçılar da var. Məsələn, Ukrayna Prezidenti Aparatının keçmiş ştatdankənar müşaviri Aleksey Arestoviç, Ali Radanın deputatları Aleksiy Qonçarenko və Dmitri Razumkov, eləcə də bir neçə açıq-aşkar rusiyayönlü simalar...
Həmçinin, Bezuqlanın sözlərinə görə, namizədlər siyahısında “Batkivşina” fraksiyasının lideri Yuliya Timoşenko və Ukraynanın keçmiş prezidenti Pyotr Poroşenko da var.
“Bütün bu hərəkatlar Ukraynanı vassala qaytaracaq və müqavimət göstərməyəcək prezident kürsüsünə əlverişli bir namizədi oturtmağa yönəlib. Onların Zelenskini fiziki olaraq uzaqlaşdırmağa çalışacaqlarını istisna etmirəm”, deyə deputat yazıb.
"Üstəlik, hazırda Ukrayna qoşunlarının keçmiş baş komandanı Valeri Zalujnının namizədliyi ukraynapərəst namizəd kimi prezident postuna fəal şəkildə baxılır”, deyə Bezuqla iddia edib.
O, oliqarxlar Viktor Pinçuk və Rinat Axmetovun da adını çəkib və onların araşdırıldığını qeyd edib.
Samir
