Bakı, 7 mart, AZƏRTAC
Dövlət Şəhərsalma və Arxitektura Komitəsinin sədri Anar Quliyev Yevlax Rayon İcra Hakimiyyətinin başçısı Anar Tağıyevlə Yevlax şəhərinin davamlı inkişafının təmin edilməsi məqsədilə yeni ərazi planlaşdırma sənədinin hazırlıqlarına dair fikir mübadiləsi aparıb.
Komitənin mətbuat xidmətindən AZƏRTAC-a bildirilib ki, səfər çərçivəsində Yevlax, Mingəçevir, Naftalan, Goranboy və Xocalı sakinləri ilə də görüşən Anar Quliyev vətəndaşların tikintiyə icazə və torpaq münasibətləri ilə bağlı suallarını cavablandıraraq, şəhərsalma və tikinti prosedurları barədə ətraflı məlumat verib.
