UEFA-nın dərc etdiyi hesabatda bildirilir ki, "Çelsi"nin 2024-cü ilin sonunda formalaşdırılan heyəti transfer xərcləri baxımından Avropa futbol tarixində ən bahalı komandası olub.
Valyuta.Az "CNN"ə istinadən xəbər verir ki, bu barədə UEFA-nın "Avropa klublarının maliyyə və investisiya mənzərəsi" hesabatında məlumat əks olunub.
Bu göstərici ilə "Çelsi" 2023-cü ildə heyətinə 1,42 milyard avro xərcləyən "Mançester Yunayted" və 2020-ci ildə rekord göstərici olan 1,33 milyard avro sərf edən "Real Madrid"i ötüb.
Hesabatda Avropanın aparıcı liqaları təhlil edilib və 2023-cü ildə ən çox gəlir əldə edən klubların siyahısı açıqlanıb. "Real Madrid" 1,073 milyard avro ilə siyahıya başçılıq edir. Sonrakı yerlərdə "Mançester Siti" (854 milyon avro), "Pari Sen-Jermen" (808 milyon avro), "Mançester Yunayted" (771 milyon avro) və "Bavariya" (765 milyon avro) qərarlaşıb.
Premyer Liqa ilk 20-likdə doqquz klubla təmsil olunub. Bu klubların orta illik gəliri 357 milyon avro təşkil edib, ümumi gəliri isə 7,15 milyard avro olub.
İspaniyanın La Liqası 3,7 milyard avro ilə ikinci yerdə qərarlaşıb. Daha sonra Almaniya Bundesliqası (3,6 milyard avro), İtaliyanın A Seriyası (2,9 milyard avro) və Fransanın Liqa 1-i (2,4 milyard avro) gəlir sıralamasında ilk beşliyi tamamlayıb.
Son on ildə Avropanın ən gəlirli 20 klubu böyük sabitlik nümayiş etdirib. Hazırkı ilk 20-likdə yer alan klubların hamısı 2014-cü ildə də ilk 25-likdə yer alıb.
İngiltərə klubları 2023-cü ildə ümumilikdə 7,1 milyard avrodan çox gəlir əldə ediblər. Premyer Liqanın ən böyük klublarının maliyyə imkanları nəzərə alınaraq, orta klub gəliri (357 milyon avro) median gəlirdən (245 milyon avro) xeyli yüksək olub.
2023-cü ildə Avropanın 700-dən çox yüksək səviyyəli klubu ümumilikdə 26,8 milyard avro gəlir əldə edib. İngiltərənin 20 Premyer Liqa klubu bu məbləğin təxminən yarısını (97%) təşkil edib ki, bu da İspaniya və Almaniyanın birlikdə əldə etdiyi gəlirə yaxındır.
Azarkeşlərin stadionlara axınına görə İngiltərə və Almaniya ən yüksək göstəriciyə malikdir. Bu, onların ortalama bilet satış gəlirlərinə də təsir edib: İngiltərə klublarında bu rəqəm 29,1 milyon avro, Almaniyada isə 23,7 milyon avro olub.
2023-cü ildə 100 milyon avrodan çox bilet satışı gəliri əldə edən səkkiz Avropa klubu arasında "Arsenal" (153 milyon avro), "Mançester Yunayted" (129 milyon avro), "Tottenhem" (123 milyon avro) və "Liverpul" (108 milyon avro) da yer alıb.
Rəhim
