...Avropa Kopernik İqlim Dəyişikliyi Xidmətinin məlumatına görə, dünya okeanlarında buz örtüyünün sahəsi ən aşağı səviyyəyə enib. Fevralın 7-nə Arktika və Antarktidada buz örtüyünün ümumi sahəsi 16,04 milyon kvadrat kilometr təşkil edib ki, bu da 1979-cu ildən bəri ən aşağı göstəricidir.
SİA-nın məlumatına görə, bu barədə DW xəbər verir
Eyni zamanda, Arktikada buz örtüyü 1991-2020-ci illərdəki orta göstəricidən 8 faiz aşağı olub və rekordlar üzrə ən aşağı həddə çatıb.
Antarktidada dəniz buz örtüyü 1991-2020-ci illərin orta göstəricisindən 26 faiz az idi. Bununla belə, dəniz buzunun azalması bütün dünyada hava, ekosistemlər və bəşəriyyət üçün ciddi uzunmüddətli nəticələrə malikdir. Qar və buz günəş işığını əks etdirərkən, qaranlıq okean səthi onu udur və qlobal istiləşməni artırır.
...Eyni zamanda, Avropa Kopernik İqlim Dəyişikliyi Xidməti bildirib ki, ötən ay iqlim müşahidələri başlayandan bəri planetdə qeydə alınan üçüncü ən yüksək temperatur olub və fevralda orta temperatur sənayedən əvvəlki dövrlə müqayisədə 1,59 dərəcə yüksək olub.
Təşkilatın bildirdiyinə görə, ilk növbədə, Arktika Dairəsinin şimalındakı bölgədə orta temperatur qeyri-adi dərəcədə, yəni 1991-2020-ci illərin orta göstəricisindən 4 dərəcə yüksək olub. Şimal Qütb bölgəsində isə hətta 11 dərəcə isti olub.
...Şimal yarımkürəsində qışa uyğun gələn dekabrdan fevrala qədər olan dövr, demək olar ki, bir il əvvəl müəyyən edilmiş iqlim əleyhinə rekordu təkrarladı: bütün dünyada orta temperatur keçən ildən cəmi 0,05°C aşağı idi.
...Planetin istiləşməsinin nəticələrindən biri də dəniz buzlarının əriməsidir.
Bunu Avropa Orta Menzilli İqlim Görünüşü Mərkəzinin rəhbəri Samanta Burqess deyib.
...Eyni zamanda, hər iki qütbdə dəniz buzunun sahəsinin azalması xüsusilə narahatedicidir.
Bunu isə Britaniya Milli Dəniz Tədqiqatları İnstitutunun tədqiqatçısı Saymon Josie deyib. Onun sözlərinə görə, yüksək dəniz və atmosfer temperaturu ona gətirib çıxara bilər ki, hətta qışda Antarktidada praktiki olaraq yeni buz əmələ gəlməsi olmayacaq.
Nazlı Almuradova
