İran ABŞ prezidenti Donald Trampın ölkənin ali dini lideri Ayətullah Əli Xamneyiyə nüvə danışıqlarına çağıran məktub göndərdiyi barədə bəyanatının əksinə olaraq indiyədək məktub almadığını açıqlayıb.İran mətbuatının məlumatına görə, İranın Nyu-Yorkdakı daimi nümayəndəliyi ABŞ prezidenti Trampın Xamneyiyə məktub göndərməsi ilə bağlı sualına “İndiyə qədər belə bir məktub almamışıq” deyərək cavab verib.Qeyd edək ki, “Fox Business Network”ə müsahibə verən Tramp İran lideri Ayətullah Əli Xameneiyə məktub göndərdiyini açıqlayıb.
