...Alla Puqaçovanın əmlakının daşınması ilə məşğul olan iş adamı müğənninin kolleksiyasında hansı sərvətlərin saxlandığını deyib.
SİA-nın rus saytlarından əldə etdiyi məlumata görə, Alla Puqaçova və onun əri, “xarici agent” Maksim Qalkin ölkəni tərk etdikdən sonra mülklərini xaricə aparmağa cəhd ediblər. Lakin bəzi əşyaların müşayiət sənədləri olmadığı üçün yük gömrükdə saxlanılıb. Nəticədə həyat yoldaşları heç bir qiymətli əşyaları apara bilməyiblər.
Daha sonra Puqaçovanın götürməyə çalışdığı əşyaların əksəriyyətinin saxta olduğu barədə şayiələr yayılıb.
Ancaq Allanın əmlakının daşınması ilə məşğul olan Andrey Matus bunun həqiqətdən uzaq olduğunu söyləyir.
Yalnız bir neçə əşyanın heç bir dəyəri olmadığı aşkar edilib. Xüsusilə, rəsm əsərlərinin surətləri.
Qalan hər şey bir sərvətə başa gəlir. Məsələn, kompoter - qiymətli daşlarla bəzədilmiş, 22 milyon rubl dəyərində olan kompot süfrəsi üçün qab, imperator III Napoleona məxsus olan 24 milyon rublluq güzgü.
Həmçinin Puqaçova və Qalkinin kolleksiyasında təxminən 600-700 min avro dəyərində 49 orijinal rəsm əsəri olub.
...Şəkil çərçivələri, mis heykəllər, bir neçə öküz, mis “Ovçuluq” sərgisi, şamdanlar, ağılsız ölçüdə çilçıraq, təxminən üç yüz kiloqram ağırlığında bir güzgü...
Bunları əmlakının daşınması ilə məşğul olan Andrey sadalayıb.
Nazlı Almuradova
