Suriyanın keçid hökumətinin xarici işlər naziri Əsəd Həsən əl-Şibani ölkəsinin Latakiya, Tartus və Homsda keçmiş rejim tərəfdarlarının qiyamını yatıraraq növbəti sınaqdan keçdiyini bildirib.
“Hökumətimiz suriyalıların iradəsini qırmaq və hər yerə xaos yaymaq üçün açıq və gizli bir kampaniya ilə üz-üzədir” deyə əl-Şibani bildirib. O, özünün X sosial media səhifəsində yazıb ki, Suriyada təhlükəsizliyi pozmaq və anarxiya səpmək cəhdləri xaricdən dəstəklənir.
Xarici İşlər Nazirliyinin rəhbərinin qeyd etdiyi kimi, “Suriya xalqı zülmdən qurtulmaq üçün çoxlu qurbanlar verib və martın 6-da sahilyanı bölgələrdə baş verənlər uğur qazanmayacaq”. Onun sözlərinə görə, Suriya ordusu “xalqdan təşkil olunduğu üçün məğlub ola bilməzdi”.
"Suriya keçmiş rejimin tərəfdarlarının qiyamını yatıraraq növbəti sınaqdan keçdi və gələcəyə inamla və möhkəm addımlayır", - əl-Şibani qeyd edib. Nazir “devrilmiş prezident Bəşər Əsəd rejiminin qalıqları ilə qarşıdurmada Suriya hökumətinə dəstək mövqeyi” tutan qardaş və dost ölkələrə minnətdarlığını bildirib.
Əziz Mustafa, Oxuməni.az
