Avropa İttifaqının (Aİ) martın 6-da baş tutan və təxminən 10 saat davam edən sammiti vaxtının çox hissəsini 800 milyard avroluq müdafiə xərclərinin artırılmasının necə maliyyələşdiriləcəyinin müzakirəsinə sərf edib.
“Politico” nəşri xəbər verir ki, Ukrayna üzrə danışıqlar isə təxminən 15 dəqiqə ərzində yekunlaşıb.
“Onlar Ukraynanın mövqelərini gücləndirmək üçün hər hansı yeni öhdəliklər barədə razılığa gələ bilməyiblər. Danışıqlar 15 dəqiqədən sonra başa çatıb. Bunun özü çox şeydən xəbər verir”, - qəzetdə dərc olunan materialda vurğulanır.
Bununla belə, Aİ diplomatlarının nəşrə dediklrinə görə, Ukrayna üçün gələcək silah yardımı paketləri üzərində iş davam etdiriləcək.
