“Milan” baş məşqçisi Serjiu Konseysaunu mövsümün sonunda istefaya göndərəcək. Msport.az xəbər verir ki, bu barədə insayder Nikolo Skira paylaşım edib.
Onun sözlərinə görə, İtaliya klubu portuqaliyalı mütəxəssislə hətta daha tez vidalaşa bilər. 50 yaşlı məşqçinin milli komandaların oyunları ilə bağlı marta yaranacaq fasilədən əvvəl göndərilmək ehtimalı var.
Əgər “Milan” qarşıdakı iki oyunda – “Leççe” (8 mart) və “Komo” (15 mart) uduzsa, Konseysau postunda qalmayacaq.
Qeyd edək ki, portuqaliyalı mütəxəssis ötən il dekabrın sonrlarında “Milan”ın sükanı arxasına keçib.
