Azərbaycan Premyer Liqasının 26-cı turunda keçirilən “Araz-Naxçıvan” - “Qarabağ” matçında (1:3) gərgin anlar yaşanıb.
QOL.az xəbər verir ki, görüşün 80-ci dəqiqələrində Ağdam klubunun futbolçusu Yassin Benzia rəqibi Felipe Santosu qıcıqlandırıb.
Bu isə hər iki komandanın futbolçularının əlbəyaxa davasına səbəb olub. Nəticədə, "Araz-Naxçıvan"dan Felipe Santos qırmızı, Bəxtiyar Həsənalızadə və Karlos Jatoba sarı vərəqələr alıblar. "Qarabağ"dan isə Marko Yankoviç və Yassin Benziaya sarı vərəqə göstərilib.
