...Latviya Seymi vətəndaşların alkoqollu içkilərin alınması üçün yaş həddinin 18-dən 21-ə qaldırılması təşəbbüsü çərçivəsində irəli sürülən təklifi baxılmaq üçün hökumətə təqdim edib.
SİA-nın məlumatına görə, Latviyanın LSM+ xəbər portalı cümə günü bildirib ki, təşəbbüsün lehinə 77 deputat səs verib, əleyhinə isə səs verən olmayıb.Təşəbbüs müəllifləri gənclərin sağlamlığından ciddi narahat olduqlarını bildiriblər. Onlar qeyd edirlər ki, elmi araşdırmalara görə, insan beyni 23-25 yaşa qədər inkişaf edir, ona görə də alkoqol gənc yaşda böyük yaşdan daha çox zərər verir.
Təşəbbüs müəllifləri həmçinin gənc yaşlarda alkoqolizmə aludəçiliyin yaranması riskinin daha yüksək olduğunu vurğulayaraq, spirtli içkilərin alınması üçün yaş həddinin artırılmasının gənclər arasında spirt istehlakının azaldılmasına kömək edəcəyini vurğulayıblar.
Bundan əlavə, onlar hesab edirlər ki, 21 yaşına çatmamış gənclər içki içmək yaş həddini pozduqlarına görə qanun çərçivəsində məsuliyyətə cəlb olunmalıdırlar.
İndi bu təklifə Latviya hökuməti baxacaq.
Əli Babayev
