ABŞ G7-yə sədrlik edən Kanadanın anti-Rusiya məhdudiyyətlərindən yayınmağa qarşı mübarizə aparmaq üçün qrup yaratmaq təklifini rədd edib.
AzPost bildirir ki, bu barədə mənbələrə istinadən Bloomberg məlumat yayıb.
G7 ölkələri gələn həftə Kvebekdə keçiriləcək xarici işlər nazirlərinin görüşü ərəfəsində kommünike üzərində işləyirlər.
Bloomberg-in qeyd etdiyi kimi, ABŞ sənədə Çinlə bağlı daha sərt dilin daxil edilməsində israr edir və eyni zamanda kommunikedə Rusiyaya qarşı ritorikanı yumşaltmağa çalışır. Xüsusilə, Vaşinqton Ottavanın anti-Rusiya məhdudiyyətlərindəki boşluqları aradan qaldırmaq üçün işçi qrupunun yaradılması təklifini əngəlləyib. Bu, xüsusən də sözdə tankerlərin kölgə donanması ilə mübarizə aparmalı idi.
Agentlik yazır ki, bundan əlavə, ABŞ Rusiya Federasiyasına münasibətdə sənəddən “sanksiyalar” sözünü çıxarmaq, habelə Ukraynadakı hərbi əməliyyatlara anti-Rusiya istinadından imtina etmək istəyir.
Mətn hələ razılaşdırılmayıb və ciddi şəkildə dəyişdirilə bilər.
