Portağal C vitamini dedikdə çoxumuzun ağlımıza ilk gələn meyvə olsa da, bu vitaminin daha zəngin mənbələri də var. Orta ölçülü portağal 60-83 mq arasında C vitamini ehtiva edir və gündəlik ehtiyacı qarşılamağa kömək edir, lakin C vitamini ilə zəngin olan bir çox başqa qidalar da var. Bu alternativlər həm portağalı sevməyənlər, həm də pəhrizlərində müxtəliflik axtaranlar üçün fərqli seçimlər təklif edir.
E-saglam.az portağaldan başqa 5 güclü C vitamini mənbəyi olan qidanı təqdim edir:
Qırmızı və sarı bibər
Qırmızı və sarı bibər C vitamini ilə zəngindir. Yarım stəkan bibərdə təxminən 144 mq C vitamini var ki, bu da bir çox insanın gündəlik ehtiyaclarını ödəmək üçün kifayətdir. Bolqar bibərinin tərkibində beta-karoten kimi antioksidanlar da var. Bu şəkildə immunitet sistemini gücləndirməyə kömək edir.
Papaya
Tropik meyvənin yarısı, papaya 94 mq C vitamini təmin edir. Şirin bir meyvə olan papaya smuzilərdə, meyvə salatlarında və ya təzə halda istehlak edilə bilər. Bundan əlavə, tərkibindəki fermentlərlə həzm sağlamlığını dəstəkləyir.
Kivi
Kivi C vitamini mənbəyinə görə portağaldan da çox ola bilən meyvədir. Bir böyük kivi 84 mq C vitamini ehtiva edir və dəri ilə istehlak edildikdə əlavə lif təmin edir. Bundan əlavə, kivi fol turşusu, K vitamini və E vitamini ilə zəngindir.
Quava
Quava C vitamini ilə ən zəngin tropik meyvələrdən biridir. Tək bir guava meyvəsi 200 mq C vitamini ehtiva edir ki, bu da gündəlik tələbatın iki qatına bərabərdir. Kalorisi az olduğu üçün pəhriz baxımından da uyğundur. Quava çiy və ya ədviyyatlarla ətirli olaraq istehlak edə bilərsiniz.
Çiyələk
Çiyələk yalnız şirin və dadlı deyil, həm də C vitamini ilə zəngindir. Bir fincan çiyələkdə təxminən 85 mq C vitamini var. Bundan əlavə, çiyələk beyin sağlamlığını dəstəkləyən və xərçəng riskini azalda bilən güclü antioksidanları ehtiva edir.
Tərcümə: Könül Oruc
