Ət və ət məhsullarə insanlar üçün dəyərli qida növü hesab edilməklə bərabər, bəzi zərərli təsirləri də var.
Yeniavaz.comxəbər verir ki, ət və ət məhsulları müxtəlif mikroorqanizmlərin inkişafı üçün də əlverişli mühitə malikdir.
Mütəxəssislər qeyd edirlər ki, ətin tərkibində olan maddələr və eyni zamanda da mikroorqanizmlər müxtəlif xəstəliklərin yaranmasına səbəb olur.
İnsan sağlamlığı üçün ən zərərli ət növləri əsasən işlənmiş və çox yağlı ətlər hesab olunur.
Mütəxəssislərin fikrincə, ən zərərli ət növləri bunlardır:

Emal olunan ətlər (kolbasa, sosiska, hisə verilən ət)
Bu ət məhsulları tərkibində yüksək miqdarda konservantlar (nitratlar, nitritlər), duz və doymuş yağlar saxlayır. Dünyada aparılan tədqiqatlara görə, emal olunan ətlər xərçəng, xüsusilə bağırsaq xərçəngi riskini artırır. Əgər sosiska və ya kolbasa yemək istəyirsinizsə, ev şəraitində, təbii üsullarla hazırlamaq daha sağlam seçimdir.

Qırmızı ət (mal, qoyun, donuz əti)
Qırmızı ət yüksək miqdarda doymuş yağ və xolesterin ehtiva edir. Həddindən artıq istehlakı ürək-damar xəstəlikləri, tip 2 şəkərli diabet və bəzi xərçəng növləri riskini artırır. Qırmızı əti həftədə 2-3 dəfə az miqdarda yemək və onu qızartmaq əvəzinə buğlama, qaynatma və ya sobada bişirmək daha sağlamdır.

Donuz əti
Donuz əti tərkibində yüksək yağ miqdarı və bəzi parazitlər saxlayır. Donuz əti insan orqanizmində müxtəlif parazitar infeksiyalara səbəb ola bilər (məsələn, trixinelyoz). Donuz əti əvəzinə toyuq, hinduşka və ya balıq seçmək daha faydalıdır.

Qızardılmış və kömürdə bişmiş ət
Yüksək temperaturda qızardılan və ya kömür üzərində bişirilən ətlərdə kanserogen maddələr (heterosiklik aminlər və polisiklik aromatik karbohidrogenlər) yaranır. Bu maddələr xərçəng riskini artırır və hüceyrələrə zərər verir. Əti buxarda, sobada və ya qaynadaraq bişirmək daha sağlamdır.