Məhdud imkanları olan Avropa nə qədər çalışsa da, ABŞ-ın Ukraynaya yardımını kompensasiya edə bilməyəcək.
Axar.az xəbər verir ki, bunu rusiyalı senator Aleksey Puşkov deyib.
“Tramp Kiyevə mütəmadi olaraq ABŞ-ın hərbi münaqişəni sona çatdırmaqda ciddi olduğuna dair siqnallar göndərir. Dolayısı ilə bunlar avropalılara da siqnaldır: ABŞ olmasa, Ukraynaya dəstəyiniz nəticə verməyəcək. Emmanuel Makron, Fridrix Merz və Ursula fon der Leyenin gurultulu bəyanatları, eləcə də Avropanın bərbad silahlanma proqramı gələcəyə hesablanıb. Ukrayna bu gün ABŞ-ın hərbi dəstəyini itirir”, - Puşkov bildirib.
