Qazax, 9 mart, Ruslan Novruzoğlu, AZƏRTAC
Tovuzda ölümlə nəticələnən ağır yol qəzası baş verib.
AZƏRTAC-ın bölgə müxbiri xəbər verir ki, hadisə Tovuz rayonunun Qovlar şəhərinin ərazisində qeydə alınıb. Belə ki, hərəkətdə olan “VAZ 2107” markalı avtomobilin sürücüsü, 2003-cü il təvəllüdlü rayonun Aşağı Quşçu kənd sakini İ.Rüstəmov idarəetməni itirərək yol kənarında dayanmış yük avtomobilinin yarımqoşqusuna çırpılıb. Nəticədə o, hadisə yerində ölüb.
Faktla bağlı araşdırma aparılır.
