Kanadanın hakim Liberal Partiyasına rəhbərlik etməyə və baş nazir olmağa namizəd Mark Karni Ottava ilə Vaşinqton arasında gərgin münasibətlərin fonunda ABŞ prezidenti Donald Trampı idarə edə biləcək adamdır.
“İki sahil” xəbər verir ki, bunu Kanada Xarici İşlər Nazirliyinin rəhbəri Melani Coli “CTV” telekanalının efirində bildirib.
O, indiki Baş nazir Castin Trüdonun komandasının bir hissəsi olmamış Karninin dəyişikliyi təmsil etdiyini və eyni zamanda Trampı qəbul edə bilən olduğunu söyləyib: "Onun lazımi təcrübəsi var".
Kanadada martın 9-da hakim Liberal Partiyası yeni lider seçəcək və o, daha sonra yeni baş nazir olacaq. Bu vəzifə üçün dörd namizəd mübarizə aparır: keçmiş maliyyə naziri və baş nazirin keçmiş müavini Kristia Friland, Kanada Bankının keçmiş rəhbəri Mark Karni, İcmalar Palatasının (parlamentin aşağı palatası) Kanada lideri Karina Quld və liberal deputat Frank Baylis.
Növbəti parlament seçkiləri oktyabrın 20-nə təyin edilib. Ənənəvi olaraq, qalib gələn partiyanın lideri baş nazir olur.
Məhərrəm Ağalaroğlu, “İki sahil”
