Moskva Avropa sülhməramlı kontingentinin Ukrayna ərazisinə potensial yerləşdirilməsi məsələsində güzəştə yer görmür, belə bir addım Rusiya ilə münaqişədə birbaşa rəsmi iştirak demək olardı, - Rusiyanın xarici işlər naziri Sergey Lavrov bildirib.
"Bu müzakirə açıq-aşkar düşmənçilik məqsədi ilə aparılır, onlar bunun nəyə lazım olduğunu gizlətmirlər", - Lavrov Moskvada mətbuat konfransında deyib.
Nazirin sözlərinə görə, Rusiya tərəfi “Ukrayna ərazisində NATO-nun potensial mövcudluğunu hesab etdiyi kimi, bu qoşunların Ukrayna ərazisində olmasını da eyni şəkildə nəzərdən keçirəcək”.
"Biz qəti şəkildə bu cür hərəkətləri müşahidə etməyəcəyik. Bu, bir daha demək istəyirəm ki, guya hibrid deyil, NATO ölkələrinin Rusiya Federasiyasına qarşı müharibədə birbaşa, rəsmi, ört-basdır edilmədən iştirakı deməkdir. Buna yol vermək olmaz", - Lavrov bildirib.
O qeyd edib ki, hansı bayraqlar altında - milli və ya Avropa İttifaqının bayrağı altında olmasından asılı olmayaraq, belə kontingentlərin yerləşdirilməsi təklif edilib, "onlar yenə də NATO qoşunları olacaq".
Əziz Mustafa, Oxuməni.az
