İtaliya A Seriyasının 28-ci turunda öz meydanında "Atalanta"ya 0:4 hesabı ilə uduzan "Yuventus"un baş məşqçisi Tyaqo Motta darmadağını şərh edib.
Fanat.Az xəbər verir ki, onun sözlərini DAZN belə çatdırıb:
"Çox üzgünük və təəssüf edirik. Daha skudetto haqda heç bir söhbət olmayacaq. Biz yalnız yolumuza davam etməliyik. A Seriyasında ikinci ən gənc komanda "Yuventus"dur.
Buraxdığımız ilk qoldan sonra psixoloji cəhətdən çətin idi. Əslində, asan olmayacağını öncədən də bilirdik. Şübhəli penaltidən sonra hücumların kəsərini artırmağa çalışdıq, amma "Atalanta" əks-hücumlarda yaxşı təsir bağışladı".
Xatırladaq ki, 28 oyuna 52 xal toplayan "Yuventus" A Seriyasının turnir cədvəlində 4-cü pillədə mövqe tutub.
Nihat
